عرضِ مرَتّبْ

جو لوگ عربی الفاظ میں مسنون دعائیں نہ پڑھ سکتے ہوں ایسے لوگوں لے لئے مسنون دعاؤں کا ترجمہ پڑھ کر دعا مانگنا یقیناً اللہ تعالیٰ کے قرب کا سبب ہوگا اور انکو انشاءاللہ اجروثواب ضرور ملے گا. اس لئے کہ وہ اللہ تعالیٰ کے حکم "اُدْعُونِی"( یعنی مجھ سے مانگو) پر عمل کر ریے ہیں، نیز حدیث"اُدُّعَآءُ ھُوَ العِبَادَۃ"(دعا ہی بڑی عبادت ہے ) پر بھی عمل کر رہے ہیں اور دعا کا مضمون رسول اللہﷺ سے ثابت ہونے کی وجہ سے جامع بھی ہے اور بے ادبی سے پاک بھی ہے اس لئے جو لوگ عربی پڑھ سکتے ہوں، لیکن معنی نہ جانتے ہوں ان کو بھی ترجمہ کبھی کبھی ضرور پڑھ لینا چاہئے تاکہ ان کو معلوم ہو جائے کہ وہ کیا مانگ رہے ہیں پھر وہ دعا حقیقی دعا (مانگنا) بنے گی
واللہ اعلم بالصواب